තමන් අග්‍රාමාත්‍ය ධූරයෙන් ඉල්ලා අස්වන බව දිනේෂ් ගුණවර්ධන ජනාධිපති රනිල් වික්‍රමසිංහ ට ලිපියක් මගින් දැනුම් දී තිබෙනවා.
සැප්තැම්බර් 21 වනදා පැවති ජනාධිපතිවරණයෙන් මෙරට 9 වන විධායක ජනාධිපතිවරයා තේරී පත්ව ඇති බැවින් ශ්‍රී ලංකා සමාජවාදී ජනරජයේ ආණ්ඩුක්‍රම ව්‍යවස්ථාවේ 47 (2) ආ වගන්තිය ප්‍රකාරව, තමා සිය ධුරයෙන් ඉල්ලා අස්වෙන බව දිනේෂ් ගුණවර්ධන මහතා අදාළ ලිපියේ සඳහන් කර තිබෙනවා.
නව ජනාධිපතිවරයා යටතේ අග්‍රාමාත්‍යවරිය ලෙස ආචාර්ය හරිනි අමරසූරිය දිවුරුම් දෙනු ඇති බවට නිල නොවන ආරංචි මාර්ග හෙළි කරයි.