අද මධ්‍යම රාත්‍රියෙන් ඇරඹෙන මැතිවරණ නිහඬ කාලය තුල සමාජ මාධ්‍ය හරහා මැතිවරණ ප්‍රචාරණ කටයුතු වලින් බැහැර වන ලෙස මැතිවරණ කොමිසම සියලු අපේක්ෂකයන්ට දන්වා තිබෙනවා.
එම නිහඬ කාලය සෑම මාධ්‍යකට ම පොදු කරුණක් වන බැවින් සමාජ මාධ්‍ය මගින් සිදු වන මැතිවරණ ප්‍රචාරණයන් පිළිබඳව වැඩි අවධානයක් යොමු කිරීමට විශේෂ වැඩපිළිවලක් සූදානම් කර ඇති බව එම කොමිසම වැඩිදුරටත් දන්වා සිටියා.
ඒ සඳහා අදාළ ආයතන සමග මේ වන විටත් තම කොමිසම සාකච්ඡා කොට ඇති බැවින් දේශපාලන ප්‍රචාරක කටයුතු සම්බන්ධව විශේෂ නිරීක්ෂණයට ලක් කොට අවශ්‍ය කඩිනම් නීතිමය පියවර ගැනීමට මැතිවරණ කොමිසම කටයුතු කරන බවටයි සඳහන් කර ඇත්තේ.