හැටන්, නුවරඑළිය මාර්ගයේ නානුඔය වින්ඩිකොනර් ප්‍රදේශයේදී සිදු වූ රිය අනතුරකින් පුද්ගලයෙකු තුවාල ලබා මේ වනවිට නුවරඑළිය දිස්ත්‍රික් මහරෝහල වෙත ඇතුළත් කර තිබෙනවා.
එම රථ කොළඹ සිට නුවරඑළිය දක්වා ධාවන කර ඇති මෙම රථය ප්‍රදේශයේ පැවැති වර්ෂාවත් සමඟ ලිස්සා ගොස් ප්‍රධාන මාර්ගය අසළ පිහිටි දුරකතන රැහැන් කණුවක ගැටී ඉන් අනතුරුව එය ප්‍රධාන මාර්ගය හරහා පෙරලි ගොස් තිබෙනවා.
අධික වේගය මෙම අනතුරට හේතුව බවයි, මූලික විමර්ශනවලදී අනාවරණ වී ඇත්තේ.
අනතුරින් මෝටර් රථයට දැඩි අලාභ හානි සිදුව ඇති අතර වෙනත් කිසිදු හානියක් වාර්තාවී නැහැ.
සිද්ධිය සම්බන්ධයෙන් වැඩිදුර විමර්ශන ක්‍රියාත්මකයි.