2024 අධ්‍යයන පොදු සහතික පත්‍ර උසස් පෙළ විභාගය නොවැම්බර් 25 වනදා ආරම්භ වන බව විභාග කොමසාරිස් ජනරාල්වරයා පවසයි.
ඒ අනුව අදාළ විභාගය දෙසැම්බර් 20 දක්වා පැවැත්වෙනු ඇත.
එමෙන්ම අනිද්දා පැවැත්වෙන පහ ශ්‍රේණිය ශිෂ්‍යත්ව විභාගය සඳහා සියලු කටයුතු සූදානම් කර ඇති බව විභාග කොමසාරිස් ජනරාල් අමිත් ජයසුන්දර ප්‍රකාශ කළා.
කොළඹ අද පැවති ප්‍රවෘත්ති සාකච්ඡාවට එක්වෙමින් ඔහු කියා සිටියේ දිවයින පුරා පිහිටුවා ඇති විභාග මධ්‍යස්ථාන 2,849 කදී අපේක්ෂකයින් තුන්ලක්ෂ 23,879 දෙනෙකු විභාගයට පෙනී සිටීමට නියමිත බවයි.
පැය භාගයකටවත් පෙර විභාග මධ්‍යස්ථානය වෙත පැමිණ අසුන් ගන්නා ලෙසයි විභාග කොමසාරිස් ජනරාල්වරයා සිසුන්ගෙන් ඉල්ලා සිටියේ.