පාස්පෝට් ගන්න ඉන්න අයට සුබ පණිවිඩයක් මෙන්න !

ලබන මස 15 වැනි දා වනවිට නව ආරක්ෂක උපංගයන්ගෙන් සමන්විත නව විදෙස් ගමන් බලපත්‍රය මෙරටට ලැබෙනු ඇති බව ආගමන විගමන දෙපාර්තමේන්තුව පවසනවා.

නව විදෙස් ගමන් බලපත්‍ර ලක්ෂ 50ක් ඇණවුම් කර ඇති බවයි, එම දෙපාර්තමේන්තුව ප්‍රකාශ කළේ.

ලබන 15 වැනි දා වනවිට එහි පළමු තොගය වන විදෙස් ගමන් බලපත්‍ර 50,000ක් මෙරටට ලැබෙනු ඇති.

ඒවා ලැබීමත් සමග දැනට විදෙස් ගමන් බලපත් නිකුත් කිරීමේදී මතුව ඇති අර්බුදයට විසඳුම් ලැබෙන බවයි ආගමන විගමන දෙපාර්තමේන්තුව ප්‍රකාශ කළේ ය.

එතෙක් දෛනිකව විදෙස් ගමන් පලපත්‍ර නිකුත් කිරීම 1000කට සීමා කිරීමට සිදුව ඇති බව දෙපාර්තමේන්තුව පැවසුවා.

දැනට දෙපාර්තමේන්තුව සතුව විදෙස් ගමන් බලපත් හිස් පොත් 30000ක් පමණ පවතින බවයි, එහි ජ්‍යේෂඨ නිලධාරියෙකු පැවසුවේ.

ඒවා කළමනාකරණයෙන් යුක්තව නිකුත් කිරීමට පියවර ගන්නා බව ද ඔහු ප්‍රකාශ කළා.

කෙසේ වෙතත් මේ දිනවල ආගමන විගමන ප්‍රධාන කාර්යාලය අසළ හා ප්‍රාදේශීය කාර්යාල අසළ‍ දිගු පෝලිම් පවතින්නේ, විදෙස් ගමන් බලපත් ලබා ගැනීමේ අරමුණින් පැමිණි ජනතාව හේතුවෙනි.