ජාතික ජනබලවේගයේ ප්‍රතිපත්ති ප්‍රකාශය මීට සුළු මොහොතකට පෙර එළිදක්වා තිබෙනවා.
ඒ, ශ්‍රී ජයවර්ධනපුර කෝට්ටේ පිහිටි පෞද්ගලික හෝටල් පරිශ්‍රයක පැවති උත්සවයකදීයි.
” ලස්සන රටක් – සැපවත් ජීවිතයක්” යන්න ප්‍රතිපත්ති ප්‍රකාශයේ තේමාවයි.
එම ප්‍රතිපත්ති ප්‍රකාශනය ප්‍රධාන තේමා හතරකින් යුතුව පිටු 233ක් පුරා දිවෙන වාර්තාවකි.
පුරා වසර 76කට පසු සමස්ථ ක්ෂේත්‍ර පුරා සිදුකරන සමාජ පරිවර්තනයක් පිළිබඳ අපේක්ෂාවෙන් එහි පදනම් සැලැස්ම මෙම ප්‍රතිපත්ති ප්‍රකාශනයෙන් නිකුත් කර ඇතැයි ජාතික ජන බලවේගය පවසනවා.