අනන්‍යතාවය හඳුනාගත නොහැකි නාඳුනන මෘත ශරීරයක් හලාවත පොලිස් වසමේ වැල්ල කසකැලේ මුහුදු තීරයට ගොඩ ගසා ඇතැයි පොලීසිය පවසයි..
වෙරළට ගොඩගසා ඇත්තේ වයස අවුරුදු 45ක් – 50ක් අතර උඩ අඩි 5 අඟල් 8ක් වන පුද්ගලයෙක් බව පොලිසිය වැඩි දුරටත් ප්‍රකාශ කරයි. කොණ්ඩය කොටට කපා ඇති රැවුල මදක් වවා ඇති අතර උඩුකයට නිල් පාට අත්දිග කමිසයක් ඇඳ සිටින බවත් යටිකය නිර්වස්ත්‍රව ඇති බව සඳහන් වේ.
මෘත ශරීරයේ පපුවේ වම් පැත්තේ, ‘අම්මා’ යනුවෙන් ද දකුණු පැත්තේ ‘විනිති’ යනුවෙන් ද සිංහලෙන් පච්ච කොටා ඇති බව ද පොලීසිය සඳහන් කරයි.
හලාවත පොලීසිය වැඩිදුර විමර්ශන සිදුකරයි.