ශ්‍රේෂ්ඨාධිකරණ නියෝගය මත අමාත්‍ය ධුරය අහිමි වූ හරීන් ප්‍රනාන්දුට ඔහු දැරූ අමාත්‍යාංශවල ජනාධිපති උපදේශක තනතුරක් යළි ලබාදී ඇති බව සමගි ජන බලවේගයේ නීති සන්ධානය පවසනවා.
එම පත් කිරීම සම්බන්ධයෙන් පැමිණිලි කිරීම සඳහා මැතිවරණ කොමිසම වෙත පැමිණි අවස්ථාවේ එම සන්ධානයේ නියෝජිතයින් මේ බව සඳහන් කළා.
හරීන් ප්‍රනාන්දු පක්ෂ සාමාජිකත්වයෙන් නෙරපීමට සමගි ජන බලවේගය ගත් තීරණය නීත්‍යනුකූල බවට ශ්‍රේෂ්ඨාධිකරණය පසුගියදා තීන්දු කළ අතර ඒ අනුව මන්ත්‍රී ධුරය මෙන්ම ඔහු දැරූ ක්‍රීඩා, සංචාරක හා ඉඩම් යන අමාත්‍ය ධුර ද ඔහුට අහිමි වුණා.
කෙසේවෙතත් ඔහු යළිත් ක්‍රීඩා, සංචාරක හා ඉඩම් යන අංශවල ජනාධිපති උපදේශකයෙකු ලෙස පත් කිරීමට එරෙහිව සමගි ජන බලවේගයේ නීති සන්ධානය මැතිවරණ කොමිසමට අද (18) පැමිණිල්ලක් ඉදිරිපත් කළා.