2024 විස්සයි-20 ආසියානු ක්‍රිකට් ශූරියන් වූ ශ්‍රී ලංකා කාන්තා ක්‍රිකට් කණ්ඩායම සහ අයර්ලන්ත කාන්තා කණ්ඩායම අතර ක්‍රිකට් තරගාවලියක් පැවැත්වීමට අයර්ලන්තයේදී සැලසුම් කර ඇති බවට වාර්තා වේ.
ඒ අනුව තරග දෙකකින් සමන්විත විස්සයි-20 තරගාවලිය යටතේ අගෝස්තු 11 වැනිදා පළමු විස්සයි-20 තරගය ආරම්භ වීමට නියමිත අතර එහි දෙවැනි තරගය 13 වැනිදා පැවැත්වීමට නියමිතය.
මෙම විස්සයි-20 තරගාවලියෙන් අනතුරුව පළමු එක්දින තරගය අගෝස්තු 16 දාත්, දෙවැනි තරගය 18දාත්, තෙවැනි සහ අවසාන තරගය 20 වැනිදාත් පැවැත්වීමට සැලසුම් කර ඇත.