නේපාලයේ කුඩා ගුවන් යානයක් කඩා වැටීමෙන් පුද්ගලයින් 18 දෙනෙකු මියගොස් ඇති බව විදෙස් මාධ්‍ය වාර්තා කරනවා.
අනතුර සිදුව ඇත්තේ කත්මන්ඩු අගනුවර, යානය ගුවන්ගත කිරීමේදී බව සඳහන්.
ජනප්‍රිය සංචාරක ගමනාන්තයක් වන Pokhara වෙත නඩත්තු කටයුතු සඳහා ගමන් කිරීමට නියමිතව තිබූ එම Saurya Airlines යානයේ අවම වශයෙන් පුද්ගලයන් 19 දෙනෙකු සිට ඇති බවයි විදෙස් මාධ්‍ය සඳහන් කරන්නේ.
ඔවුන් ගුවන් සමාගමේ තාක්ෂණික කාර්ය මණ්ඩලය බව සඳහන්.
අන්තර්ජාලයේ හුවමාරු වන වීඩියෝවලට අනුව ගුවන්ගත වීමේදී යානය හදිසියේම පෙරළී ගොස් එහි පියාපත් තුඩ බිම වැදී ගින්නක් හටගන්නා අයුරු දක්නට ලැබේ.
අනතුර සම්බන්ධයෙන් අදහස් දක්වමින් කත්මන්ඩු පොලිස් මාධ්‍ය ප්‍රකාශක විදෙස් මාධ්‍ය හමුවේ සඳහන් කර තිබුණේ, අනතුරින් ගුවන් නියමුවා හිසට තුවාල ලබා රෝහල් ගත කර ඇති බවයි.