සිය නිල නිවසට නීති විරෝධීව විදුලිය සහ ජලය ලබා ගැනීම පිළිබඳ අධිකරණ ඇමතිවරයා විසින් ම අපරාධ චෝදනා එල්ල කරන ලද ගල්කිස්ස හිටපු මහේස්ත්‍රාත් සහ වත්මන් කොටුව මහේස්ත්‍රාත් කෝසල සේනාධීරගේ සේවය අත්හිටුවීමට අධිකරණ සේවා කොමිසම කටයුතු කර ඇත.
වර්තමාන මහේස්ත්‍රාත්වරිය ගල්කිස්ස මහේස්ත්‍රාත් අධිකරණයේ පිහිටි නිල නිවසට පැමිණීමට පෙර එහි සිටි මහේස්ත්‍රාත්වරයා වන කෝසල සේනාධීර විසින් නීති විරෝධී ලෙස නිල නිවසට විදුලිය ලබාගෙන ඇති බවත් අදාළ නීති විරෝධී විදුලි රැහැන හේතුවෙන් විදුලි සැර වැදී විදුලි කාර්මිකයෙකු බරපතල ජීවිත අනතුරකට පත් වූ බවත් අධිකරණ අමාත්‍ය විජේදාස රාජපක්ෂ පසුගියදා පාර්ලිමේන්තුවේදී හෙලිදරව් කරන ලදී.
මහේස්ත්‍රාත් ධූරයේ අත්ත්නෝමතික ලෙස කටයුතු කරන බවට ඔහුට විරුද්ධව ජනාධිපති නීතීඥවරු විසින් ද මීට ඉහතදී අධිකරණ සේවා කොමිසමට පැමිණිලි කර ඇති බවට ද වාර්තා වේ.