ව්‍යාපාරික විරංජිත් තාඹුගලගේ බැංකු ගිණුමට 2018 වසරේ සිට 2022 දක්වා කාලය තුළ රුපියල් මිලියන 4,757ක් බැර වී ඇතැයි ඊයේ (10) කොළඹ මහෙස්ත්‍රාත් අධිකරණයේදී අනාවරණ වී තිබෙනවා.
සැකකරු සම්බන්ධයෙන් සිදුකරන නීතිවිරෝධී වත්කම් විමර්ශනයක් පිළිබඳ කරුණු දක්වමින් ජ්‍යෙෂ්ඨ නියෝජ්‍ය සොලිසිටර් ජනරාල් දිලීප පීරිස් මේ බව සඳහන් කර ඇති බවයි වාර්තා වෙන්නේ.
පුද්ගලයෙකුගෙන් රුපියල් ලක්ෂ 70ක මුදලක් ලබාගෙන එය වංචා කිරීම සම්බන්ධයෙන් ව්‍යාපාරික විරංජිත් තාඹුගලට එරෙහිව ගොනුකර ඇති නඩුවක් කැඳවූ අවස්ථාවේදී මේ බව අනාවරණය වී තිබෙනවා.