ව්‍යාපාරිකයෙකුට රුපියල් එක්කෝටි පනස් ලක්ෂයක මුදල් වංචා කළේ යැයි කියන සිද්ධියක් සම්බන්ධයෙන් උසස් පෙළ රසායන විද්‍යා විශය සඳහා උපකාරක පන්ති පවත්වන ගුරුවරයෙක් ඊයේ (03) අත්අඩංගුවට ගෙන තිබෙනවා.
ව්‍යාපාරිකයා කළ පැමිණිල්ලක් අනුව විමර්ශනයක් පවත්වා එම උපකාරක පන්ති ගුරුවරයා අත්අඩංගුවට ගෙන ඇතැයි පොලීසිය පවසනවා.
ගම්පහ ප්‍රදේශයේ පදිංචිකරුවෙකු වන උපකාරක පන්ති ගුරුවරයා පැමිණිලිකරුගේ සමීපතම මිතුරෙකු වන අතර මිතුරා හෝටලයක අයිතිකරුවෙකු බවත් පැවසෙනවා.
හෝටලයෙන් පරිහරණය කර පසුව ඉවත් කරන ලද රුපියල් එක්කෝටි පනස් ලක්ෂයක් වටිනා ගෘහ භාණ්ඩ තොගයක් උපකාරක පන්ති පවත්වන ගුරුවරයාට විකුණා අතැයි ද සැකකරු ඒ වෙනුවෙන් චෙක්පත් ලබා දී ඇති අතර දිගින් දිගටම එවා අගරුවීම නිසාත් මුදල් ලබා නොදී වංචා කිරීම නිසාත් මේ සම්බන්දයෙන් ගම්පහ කොට්ඨාස විශේෂ අපරාධ විමර්ශන අංශයට පැමිණිලි කර තිබෙනවා.
අත්අඩංගුවට ගත් සැකකරු සම්බන්ධයෙන් ගම්පහ කොට්ඨාස විශේෂ අපරාධ විමර්ශන අංශය වැඩිදුරටත් පරීක්ෂණ පවත්වනු ලබනවා.