වීදි සුනඛයෙකු සපාකෑ සිව් හැවිරිදි දැරියක් ජීවිතක්ෂයට පත්වී තිබෙනවා.
කිලිනොච්චිය, කන්ඩාවලෙයි ප්‍රදේශයේදී පසුගිය 10 වනදා මෙම සුනඛයා විසින් දැරියව සපා කා ඇති බව ප්‍රදේශවාසීන් සඳහන් කරනවා.
දෙමව්පියන් ඇයට ජලභීතිකා එන්නත හෝ අවශ්‍ය වෛද්‍ය ප්‍රතිකාර ලබාදීමට කටයුතු කර නොමැති බවටද ඔවුන් චෝදනා නගනවා.
දින කිහිපයකට පසුව දැරිය හදිසියේ අසනීපවීම හේතුවෙන් ඇයව කිලිනොච්චිය රෝහලට ඇතුළත් කර ඇති අතර ඊයේ (27) දින ඇය ජීවිතක්ෂයට පත්වී තිබෙනවා.
දැරියගේ මරණය සුනඛයා සපාකෑමෙන් සිදුවී ඇති බව රෝහල් බලධාරීන් විසින් පවසා තිබෙනවා.
අදාළ සුනඛයා සපා කෑ තවත් පුද්ගලයින් සිව්දෙනෙකු වෛද්‍ය ප්‍රතිකාර සඳහා ගොස් ඇති බවද ප්‍රදේශවාසීන් සඳහන් කනවා.
සිද්ධිය සම්බන්ධයෙන් කන්ඩාවලෙයි මහජන සෞඛ්‍ය පරීක්ෂක නිලධාරීන් විසින් වැඩිදුර පරීක්ෂණ සිදුකරනවා.