අම්බලන්ගොඩ පොලිස් වසමේ ගලගොඩ ප්‍රදේශයේ වෙළෙඳසලක් තුළ අද (මාර්තු. 11) සිදු කළ වෙඩි තැබීමකින් පුද්ගලයින් දෙදෙනෙකු මියගොස් ඇතැයි පොලිසිය පවසයි.
යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් මෙම වෙඩි තැබීම සිදු කර ඇති අතර ඉන් තවත් පුද්ගලයින් තිදෙනෙකු තුවාල ලබා තිබේ.
පොලිසිය පැවසුවේ, තුවාලකරුවන් බලපිටිය රෝහල වෙත ඇතුළත් කර ඇත බව ය.
මෙම වෙඩි තැබීමට ටී56 ගිනි අවියක් භාවිත කර ඇතැයි පොලිසිය සැක කරයි.
අම්බලන්ගොඩ පොලිසිය වැඩිදුර විමර්ශන සිදු කරයි.