ඔස්ට්‍රේලියාවට ගොස් සිටින ජනාධිපති රනිල් වික්‍රමසිංහ ඉන්දීය විදේශ කටයුතු අමාත්‍ය ආචාර්ය එස්. ජයිශංකර් හමු වී තිබෙනවා.
ඒ, පර්ත් නුවර ආරම්භ වූ හත්වන ඉන්දීය සාගර සමුළුවට සමඟාමීවයි.
මෙහිදී ජනාධිපතිවරයා සහ ඉන්දීය විදේශ කටයුතු අමාත්‍යවරයා දෙරට අතර, දැනට ක්‍රියාත්මක ද්විපාර්ශවික ව්‍යාපෘතිවල ප්‍රගතිය පිළිබඳව අවධානය යොමු කළ බවයි ජනාධිපති මාධ්‍ය ඒකකය සඳහන් කළේ.
හත්වන ඉන්දීය සාගර සමුලුවේ ප්‍රධාන දේශනය ද ඊයේ (09) ජනාධිපතිවරයා පවත්වනු ලැබුවා.