විවිධ භාණ්ඩ හා සේවා මත දේශීය ආදායම් දෙපාර්තමේන්තුව බදු වර්ග 16ක් අය කරමින් සිටින බව වාර්තා වනවා.
වැට් බද්දට අමතරව මෙම අය කිරීම් සිදු කෙරෙන බව සඳහන්.
වැට් බදු පැනවීම හේතුවෙන් බදු ක්‍රමය සරල වීම කෙසේ වෙතත් එය තවදුරටත් සංකීර්ණ වී ඇති බවයි, ආදායම් දෙපාර්තමේන්තුවේ ප්‍රකාශකයෙක් සඳහන් කළේ.
ඇතැම් ක්ෂේත්‍රවලට වැට් බද්ද කිහිපවරක් වදින බව ද සඳහන්.
ඊට අමතර වශයෙන් එම භාණ්ඩවලට අයකරන වෙනත් සුවිශේෂ බදු ද අඛණ්ඩව අය කරනු ලබනවා.
සියයට 2.5ක් වන ජාතිය ගොඩනැගීමේ බද්ද පසුගිය මාසය සඳහා විදුලි පෞද්ගලික සමාගම මගින් සියයට 5ක් අයකරගෙන ඇති බවටයි පාරිභෝගිකයන් චෝදනා කළේ.
පිරිවැටුම් බද්ද වරාය හා ගුවන් තොටුපොළ බද්ද, සමාජ ආරක්ෂණ බද්ද, ජාතිය ගොඩනැගීමේ බද්ද, රේගු බද්ද, මුද්දර බද්ද, ටෙලිකොම් බද්ද ආදී බදු වර්ග රැසක් වැට් බද්ද සමග තවදුරටත් අය කෙරෙන බව සඳහන්.
මේ හේතුවෙන් ජනතාවට විශාල අසාධාරණයක් සිදුව ඇති බවටයි චෝදනා එල්ල වන්නේ.