ප්‍රවෘත්ති සාකච්ඡාවක් අතරතුර දී දකුණු කොරියාවේ විපක්ෂ නායක Lee Jae-myungට කිසියම් පුද්ගලයෙකු තියුණු ආයුධයකින් පහර දී තිබෙනවා.
එරට වරාය නගරයක් වන Busanහි පැවති ප්‍රවෘත්ති සාකච්ඡාවක් අතරතුරයි මෙම පහරදීම සිදුව ඇත්තේ.
ප්‍රහාරය එල්ල කළ තැනැත්තා ප්‍රවෘත්ති සාකච්ඡාව අතරතුර විපක්ෂ නායාකවරයාගෙන් සටහනක් ලබා ගැනීමේ අරමුණින් එම ස්ථානයට පැමිණ ඇති බවයි විදෙස් මාධ්‍ය සඳහන් කළේ.
පහරදීමෙන් තුවාල ලැබූ දකුණු කොරියානු විපක්ෂ නායකවරයා මේ වන විට රෝහල් ගත කර ඇති අතර, පහර දුන් පුද්ගලයා ද අත්අඩංගුවට ගෙන තිබෙනවා.
59 හැවිරිදි Lee Jae-myung කොරියානු ප්‍රජාතන්ත්‍රවාදී පක්ෂයේ නායකත්වය දරන අතර, 2022 ජනාධිපතිවරණයේ දී පරාජය වූ මොහු 2027 ජනාධිපතිවරණයට ඉදිරිපත් වීමේ අපේක්ෂාවෙන් සිටින බවයි සඳහන් වන්නේ.
සිදුවීමට අදාළ දර්ශන පහතින්,