ශ්‍රී ජයවර්ධනපුර විශ්වවිද්‍යාලයේ කළමනාකරණ පීඨය තාවකාලිකව වසා දැමීමට තීරණය කර ඇති බව, එහි උපකුලපති ජ්‍යේෂ්ඨ මහාචාර්ය පද්මලාල් මානගේ මහතා පවසනවා.
උපකුලපතිවරයාගේ නිල කාමරය අසළට ගොස් සිසුන් පිරිසක් කළ බලපෑම් හමුවේ මෙම තීරණය ගෙන ඇති බවයි උපකුලපතිවරයා පවසන්නේ.
විශ්වවිද්‍යාල ආරංචි මාර්ගවලට අනුව, විශ්වවිද්‍යාල සිසුන් 6කගේ පන්ති තහනම් කිරීමේ සිද්ධියකට විරෝධය පළකරමින් මෙලෙස තවත් සිසුන් පිරිසක් උපකුලපතිවරයාට බලපෑම් එල්ල කිරීමට ඔහුගේ නිල කාමරය අසලට රැස් වී තිබෙනවා.
විශ්වවිද්‍යාල පාලනාධිකාරිය සඳහන් කරන අයුරින් මෙලෙස පංති තහනම් කර ඇත්තේ, විනය විරෝධී සිද්ධියකට අදාළ සිසුන් පිරිසකගේ බවයි.
කෙසේ වෙතත් එම විශ්වවිද්‍යාලයේ අනෙකුත් අධ්‍යන අංශවල කටයුතු සාමාන්‍ය පරිදි සිදු කෙරෙන අතර, තාවකාලිකව වසා දැමූ පීඨය නැවත විවෘත කෙරෙන දිනයක් පිළිබඳව තවම නිල ප්‍රකාශයක් පැමිණ නැහැ.
