ලොව පුරා මිලියන ගණනක රසික ප්‍රජාවගේ ජනාදරයට පත් Vlog නිර්මාණකරුවෙකු (YouTuber) වන නාස් ඩේලි (Nas Daily) ශ්‍රී ලංකාවට පැමිණ සිටී.
සංචාරක ප්‍රවර්ධන අධිකාරියේ ආරාධනයකට අනුව ඔහු ශ්‍රී ලංකාව වෙත පැමිණ ඇත.
එම ආරාධනයත් සමඟ පැමිණි නාස් ඩේලි මෙරට සංචාරක ප්‍රවර්ධන කාර්යාංශය සමග ගිවිසුමකට එළැඹ තිබේ.
සංචාරක අමාත්‍ය හරීන් ප්‍රනාන්දු සිය නිල Twitter ගිණුමේ සටහනක් තබමින් සඳහන් කර ඇත්තේ මෙම ගිවිසුම ශ්‍රී ලංකාවේ සංචාරක කර්මාන්තය ප්‍රවර්ධනය උදෙසා මහත් පිටුවහලක් වනු ඇති බවය.
ඊශ්‍රායල – අරාබි ජාතික Vlog නිර්මාණකරුවා විසින් මින් පෙර නිර්මාණය කරන ලද This is Made of Poop, My Biggest Money Mistake, The Key Board Warrior යනුවෙන් නම් කරන ලද ශ්‍රී ලංකාව පිළිබඳ වීඩියෝ පට තුනක් අන්තර්ගත කර තිබුණි.
2020 වසරේදී නාස් ඩේලී, කොවිඩ් වසංගත සමය තුළ වඩාත්ම නිර්ලෝභීව කටයුතු කළ රට වශයෙන් (The Most Generous Country During Covid) ශ්‍රී ලංකාව නම් කරමින් නිකුත් කළ වීඩියෝ පටයක් නිර්මාණය කර තිබුණි.
Nas Daily, a 'vlog' creator who is popular in millions around the world, came to Sri Lanka on the invitation of the Tourism Promotion Authority and today (20) he reached an agreement with the Tourism Promotion Bureau. 🇱🇰#HarinFernando #NasDaily #VisitSriLanka pic.twitter.com/geISRhYVM4
— Harin Fernando (@fernandoharin) November 20, 2023