2023 ලෝක කුසලාන ක්‍රිකට් තරඟාවලියේ තාක්ෂණික කමිටුව විසින් දසුන් ශානක වෙනුවට ශ්‍රී ලංකා සංචිතයට චාමික කරුණාරත්න ඇතුලත් කිරීමට අනුමැතිය ලබා දී ඇති ශ්‍රී ලංකා ක්‍රිකට් ආයතනය දන්වා සිටියි.
දකුණු කලවයේ මාංශපේශී ආබාධයකට ලක්වීම හේතුවෙන් නායක දසුන් ශානක කණ්ඩායමෙන් සති තුනක කාලයක් සඳහා ඉවත් වන අතර ඔහු වෙනුවට ආදේශකයක් ලෙස චාමික කරුණාරත්නව නම් කෙරිණි.
ලෝක කුසලාන තරගාවලිය තුල ක්‍රීඩකයෙකු කණ්ඩායමට ආදේශ කිරීම සඳහා ප්‍රතිස්ථාපන ක්‍රීඩකයා නිල වශයෙන් සංචිතයට එක් කිරීමට පෙර ලෝක කුසලාන තාක්ෂණික කමිටුවේ අනුමැතිය අවශ්‍ය වේ.
ඒ අනුව දසුන් ශානකගේ සෞඛ්‍ය තත්ත්වය සලකා බලා චාමික කරුණාරත්න කණ්ඩායමට ඇතුලත් කිරීම සඳහා තාක්ෂණික කමිටුවේ අනුමැතිය ලබා දී තිබේ.