කොළඹ ජාතික රෝහලේ විදුලිබිලට අදාළ හිඟ මුදල නොගෙවීමෙන් රතු නිවේදනයක් නිකුත් කර තිබෙනවා.
කොළඹ ජාතික රෝහල, විදුලිබල මණ්ඩලයට ගෙවිමට තිබෙන හිඟ මුදල රුපියල් මිලියන 339ක් වන අතර එය නොගෙවීමෙන් විදුලි කප්පාදුවක් සිදු කරන බවට රතු නිවේදනයක් නිකුත් කළ බව වාර්තා වෙනවා.
කොළඹ ජාතික රෝහලේ උසස් නිලධාරියෙක් පැවසුවේ මාස 05ක හිඟ මුදල මෙසේ නොගෙවීමෙන් රෝහලේ කටයුතු අඩාල වීමට හා රෝගින්ට දැඩි අවදානමකට මුහුණ දීමට සිදුවන බවයි.
ජාතික රෝහලේ මේ වන විට ශල්‍යාගාර රෝගීන් විශාල පිරිසක් ප්‍රතිකාර ලබන බැවින් විදුලි කප්පාදුවක් සිදු වූවහොත් රෝගීන් විශාල අසීරුතාවයකට මුහුණ දෙන බව අප කළ විමසිමේදී ඔහු වැඩිදුරටත් සඳහන් කළා.