රාජාංගනය ප්‍රදේශයේ සංගීත සන්දර්ශනයක් පැවැත්වූ සංගීත සන්දර්ශනයක් තවත් දින කිහිපයක් පැවැත්වීම සඳහා අවසර නොදුන්නේ රාජාංගනය පොලිස් ස්ථානාධිපතිවරයා ද තර්ජනය කරන ලද එම සංගීත ප්‍රසංගය සංවිධානය කළ පෞද්ගලික ආයතනයේ හිමිකරු විරංජිත් තාබුගල අත්අඩංගුවට ගැනීමට පොලීසිය පරීක්ෂණ ආරම්භ කර තිබේ.
මෙම සංගීත ප්‍රසංගයේ ආරක්ෂාවට යොදවා සිටි පොලිස් නිලධාරීන්ගේ සේවය පරීක්ෂාකිරීමට ස්ථානාධිපතිවරයා එහි ගිය අවස්ථාවේ මෙම පුද්ගලයා තවත් පිරිසක් සමග පැමිණ බැණ වැදී තර්ජනය කරන ලද බව පොලිස් ස්ථානාධිපතිවරයා පොලිස් පොත්වල සටහන් යොදා තිබේ.
ප්‍රසංගය තවත් දින කිහිපයක් සඳහා අවසර නොදුනහොත් ස්ථානාධිපතිවරයාගේ නිල ඇදුම ගලවා දමන බවට මෙම ව්‍යාපාරිකයා තර්ජනය කර තිබේ.
අදාල සංගීත ප්‍රසංගය පසුගිය 23 වැනි දායින් අවසන් වී ඇති අතර සැකකරු මෙසේ තර්ජනය කර ඇත්තේ තවත් දින අටකට එය පැවැත්වීම සඳහා අවසර නොදීම සම්බන්ධයෙනි.