ඊසානදිග චීනයේ ව්‍යායාම ගොඩනැගිල්ලක වහලය කඩා වැටීමෙන් පුද්ගලයන් දස දෙනෙකු මිය ගොස් ඇති බව එරට මාධ්‍ය වාර්තා කර තිබෙනවා.
Heilongjiang පළාතේ Qiqihar හි පිහිටි ව්‍යායාම් ශාලාවේ වහලය ඊයේ (23) සවස් වරුවේ කඩා වැටි ඇති බවයි විදෙස් මාධ්‍ය වාර්තා කරන්නේ මෙම අනතුරින් තවත් 14 දෙනෙකු තුවාල ලබා ඇති අතර ගලවා ගැනීමේ සේවකයින් විසින් ඔවුන් සුන්බුන් වලින් සොයා ගෙන ඇති බවද සඳහන්.
ගිනි නිවන භටයින් 160කට ආසන්න සංඛ්‍යාවක් සහ ගිනි නිවන රථ 39ක් යොදවා සෝදිසි කිරීමේ සහ මුදාගැනීමේ මෙහෙයුමක් දියත් කර ඇති බවයි විදෙස් මාධ්‍ය පවසන්නේ.
දුර්වල ආරක්ෂක ප්‍රමිතීන් අනුව කරන ලද ඉදිකිරීම් හේතුවෙන් මෙම අනතුර සිදුව ඇති බවට තහවුරු කරගෙන ඇති අතර ඉදිකිරීම් සමාගම භාරව සිටි අයෙක් පොලිස් භාරයට ගෙන ඇති බවයි සඳහන්.
නිලධාරීන් පවසන්නේ වහලය වැටීමෙන් පුද්ගලයන් 19 දෙනෙකු එහි සිරවී සිටි බවයි.
