පුත්තලම, කරුවලගස්වැව, හතේ කණුව ප්‍රදේශයේ රක්ෂිතයක් තුළ තිබී මිනිස් හිස් කබලක් සහ අස්ථි කොටස් කිහිපයක් සොයාගෙන තිබෙනවා.
ඒ, ප්‍රදේශවාසීන්ගෙන් ලද තොරතුරකට අනුව කරුවලගස්වැව පොලිසිය විසින් සිදුකළ පරීක්ෂා කිරීමකදීයි.
එම ස්ථානයේ තිබී පාවහන් යුගලක්, පිලිස්සුණු පසුම්බියක්, පිහියක්, ගසක අත්තක ගැට ගසා තිබූ ලණුවක් සහ බිම තිබූ තවත් ලණුවක් ද පොලිසිය විසින් සොයාගෙන තිබෙනවා.
මෙම අස්ථි කොටස් කවරෙකුගේ ද යන්න මෙතෙක් අනාවරණ වී නැහැ.
අස්ථි කොටස් අධිකරණ වෛද්‍ය කටයුතු සඳහා පුත්තලම රෝහලට රැගෙන යාමට නියමිත අතර, පොලිස් ස්ථානීය අපරාධ පරීක්ෂණ නිලධාරීන් සහ කරුවලගස්වැව පොලිසිය විසින් සිද්ධිය සම්බන්ධයෙන් විශේෂ විමර්ශනයක් ආරම්භ කර තිබෙනවා.