පුත්තලම් දිස්ත්‍රික් පාර්ලිමේන්තු මන්ත්‍රී අලි සබ්රි රහීම් මහතා සංචාරයක් සඳහා ඩුබායි බලා පෙරේදා (25) රාත්‍රියේ පිටත්ව ගොස් තිබෙන බව කටුනායක ගුවන් තොටුපොළ ආරංචි මාර්ග සදහන් කරනවා.
ඩුබායි ගුවන් සේවයට අයත් ගුවන් යානයකින් පාර්ලිමේන්තු මන්ත්‍රීවරයා පෙරේදා රාත්‍රී අටයි පහට පමණ ඩුබායි බලා පිටත්ව ගිය බවයි කටුනායක ගුවන් තොටු පොළේ නිලධාරියෙක් ප්‍රකාශ කළේ.
රුපියල් කෝටි හතහමාරකට අධික වටිනාකමින් යුත් රන් භාණ්ඩ තොගයක් සහ ජංගම දුරකථන අනූ එකක් නීති විරෝධී ලෙස රැගෙන ඩුබායි සිට කටුනායක ගුවන් තොටුපළට පැමිණ ප්‍රභූ පර්යන්තයෙන් පිටවීමේ දී මන්ත්‍රීවරයා අත්අඩංගුවට ගෙන රුපියල් ලක්ෂ 75ක දඩ මුදලක් මත නිදහස් කරන ලද්දේ පසුගිය දිනෙකයි.