Netflix ආයතනය මගින් මෑතක දී නිර්මාණය කළ ක්ලියෝපැට්‍රා කුමරියගේ කතාව ඇතුළත් චිත්‍රපටය මෙම සිදුවීම සඳහා පාදක වී ඇත.
එහිදී ක්ලියෝපැට්‍රා කුමරියව කළු ජාතිකයකු ලෙස නිරූපණය කරමින් විකෘති කර ඇති බවට ඊජිප්තු නීතිඥවරුන් විසින් චෝදනා කරමින් නෙට්ෆ්ලික්ස් ආයතනයට විරුද්ධව නඩු පවරා ඇති බව විදෙස් මාධ්‍ය වාර්තා කරයි.
තවද මීට පෙර Mahamoud al – Semary නම් ඊජිප්තු නීතිඥවරයා විසින් ද Netflix ආයතනයට විරුද්ධව නඩු පවරා ඇත.
ඔහු පවසන ආකාරයට ක්ලියෝපැට්‍රා කුමරිය කළු ජාතික කාන්තාවක ලෙස නිරූපණය කිරීම මගින් ඉතිහාසය විකෘති වීමක් සිදුවන බවත් ඓතිහාසික චරිතයන්හි සමෙහි පාට වෙනස් කිරීම අපරාධයක් බවත් දක්වමින් නඩු පවරා ඇති බව වාර්තා වෙයි.
මීට අමතරව ඊජිප්තු මාධ්‍යවේදින් ද මෙයට විරුද්ධත්වය දක්වා ඇත.
