ඔක්සිජන් සිලින්ඩර රැගෙන යමින් සිටි වාහනයක් ඉතාලියේ මිලානෝ නගර මධ්‍යයේ පුපුරාගොස් තිබෙන බව විදෙස් මාධ්‍ය වාර්තා කරනවා.
මෙලෙස පිපුරුමකට ලක් ව ඇත්තේ නගරයේ ගමන් ගත් වෑන් රථයක් බවයි එම වාර්තා පැවසුවේ.
පිපුරුමෙන් අනතුරුව වාහන ගණනාවක් ගිනිබත් වෙමින් පවතින අතර සුන්බුන්වලට ඉහළින් ඝන කළු දුමාරයක් නැඟී ඇති බව ද එම වාර්තා වල දැක්වෙනවා.
මෙම ගින්න නිවාස සංකීර්ණයක් සහ ඔසුසලක් දෙසට පැතිරෙමින් පවතින බවත් ප්‍රදේශයේ පාසලක සහ සාත්තු නිවාසයක සිටි පුද්ගලයින් ඉවත් කිරීමට එරට පොලිසිය කටයුතු කර ඇති බවද වාර්තා වනවා.