අපරාධ පරීක්ෂණ දෙපාර්තමේන්තුව භාරයේ රඳවාගෙන සිටින නදුන් චින්තක හෙවත් හරක් කටා සහ කුඩු සලිඳු හෙවත් සලිදු මල්ෂිතගෙන් සිදුකළ ප්‍රශ්ණ කිරීම්වලදී හෙළිවූ තොරතුරු අනුව ගිනි අවි 10 ක් පමණ පොලීසිය විසින් සොයාගෙන තිබෙනවා.
හරක් කටා සහ කුඩු සළිදු විසින් මෙහෙයවූ අපරාධවලට සම්බන්ධ ගිනි අවි එලෙස සොයාගෙන ඇති බවයි නෙත් නිවුස් වෙත වාර්තා වුණේ.
විවිධ ස්ථානවල සඟවා තිබියදී එම ගිනි අවි සොයාගෙන තිබෙනවා.
ඒවා සොයාගෙන ඇත්තේ විවිධ ස්ථානවල සඟවා තිබියදීයි. කෙසේවෙතත් එම ගිනි අවි භාවිත කළ පුද්ගලයින් මෙතෙක් අත්අඩංගුවට ගැනීමට හැකිවී නැහැ.
මැඩගස්කරයේදී අත්අඩංගුවට ගනු ලැබූ හරක් කටා සහ කුඩු සළිදු අපරාධ පරීක්ෂණ දෙපාර්තමේන්තුවේ නිලධාරීන් විසින් මෙරටට ගෙනඑනු ලැබුවේ පසුගිය මාර්තු මස 15 වනදායි.