Elon Musk ගේ SpaceX සමාගමේ දැවැන්ත නව රොකට්ටුවක් වන Starship එහි මංගල ගුවන් ගමනේදීම පුපුරා ගොස් තිබෙනවා.
ප්‍රාදේශීය වේලාවෙන් අනුව බ්‍රහස්පතින්දා උදෑසන ටෙක්සාස් හි නැගෙනහිර වෙරළ තීරයෙන් ඔසවන ලද එම කාර්ය මණ්ඩල රහිත පරීක්ෂණයෙන් කිසිවෙකුට හානියක් සිදුවී නොමැති බවයි වාර්තා වන්නේ.
පියාසැරියට මිනිත්තු තුනකට පමණ පසු, එම රොකට්ටුව පාලනයෙන් මිදීමට පටන් ගත් අතර එය විනාශ වී ඇත.
අදාළ පිපිරීම සම්බන්ධයෙන් අදහස් දැක්වූ එලෝන් මස්ක් පවසා ඇත්තේ, තම සමාගම මාස කිහිපයකින් තවත් දියත් කිරීමක් උත්සාහ කරන බවයි.