ප්‍රධාන ගුවන් නියමුවා ඉදිරියේ ඇති වීදුරුව හෙවත් සුළං මුවාව ඉරිතලා යාම හේතුවෙන් කටුනායක ගුවන්තොටුපලට යළි පැමිණි යානයේ සිටි මගීන් වෙනත් ගුවන් යානා මගින් ඩුබායි බලා පිටත් කර යවා තිබෙනවා.
ශ්‍රී ලංකන් ගුවන් සේවයට අයත් යූ.එල් 225 දරණ ගුවන් යානය මගීන් 189 දෙනෙකු සහ කාර්ය මණ්ඩලයේ 15 දෙනෙකු රැගෙන පෙරේදා (07) පස්වරුවේ ඩුබායි බලා පිටත්ව ගොස් තිබුණා.
එහෙත් එම යානය ගුවන් ගතවී පැයකුත් විනාඩි 10කින් පසු යළිත් කටුනායක ගුවන් තොටුපලට පැමිණ තිබුණේ ඉදිරි වීදුරුව හෙවත් සුළං මුවාව බිඳී යාම හේතුවෙන්.
මෙම තත්ත්වය උද්ගතවන විට ගුවන් යානය ඉන්දියාව සමීපයෙන් පියාසර කරමින් තිබූ බවයි වාර්තාවන්නේ.