අන්තර් විශ්වවිද්‍යාලයීය ශිෂ්‍ය බල මණ්ඩලය විසින් කොළඹ දී පැවැත්වීමට නියමිත උද්ඝෝෂණයට අදාළව කොළඹ කොටුව මහෙස්ත‍්‍රාත් තිළිණ ගමගේ මහතා විසින් අධිකරණ නියෝගයක් නිකුත් කර තිබෙනවා.
උද්ඝෝෂණයට එක්වන පුද්ගලයින්ට අද පෙරවරු 11:00 සිට රාත‍්‍රී 10:00 දක්වා කාලය තුළ ජනාධිපති මන්දිරය, ජනාධිපති ලේකම් කාර්යාලය, මුදල් අමාත්‍යාංශය සහ ගාලූ‍මුවදොර පිටිය යන පරිශ‍්‍රයන්ට ඇතුළුවීමෙන් වළකින ලෙසයි අදාළ නියෝගයේ දැක්වෙන්නේ.
මීට අමතරව නම් කරන ලද කොළඹ මාර්ග රැසක් අවහිර කිරීමෙන් වළකින ලෙසද අධිකරණය අදාළ උද්‍ඝෝෂකයින්ට නියෝග කර තිබෙනවා.
එම නියෝගය අන්තර් විශ්වවිද්‍යාලයීය ශිෂ්‍ය බල මණ්ඩලයේ කැඳවුම්කරු වසන්ත මුදලිගේ ඇතුළු ශිෂ්‍ය සංගම් 16ක ක‍්‍රියාකාරීන්ට සහ ඊට සහභාගි වන තැනැත්තන්ට අදාළ වන බවද එහි වැඩිදුරටත් සඳහන්.
කෙසේවෙතත් අන්තරේ උද්ඝෝෂණය මර්දනය කිරීම සඳහා කොටුව දුම්රිය ස්ථානය ඉදිරිපිටට විශාල පොලිස් බළ ඇණියක් ගෙන්වා තිබෙනු දක්නට ලැබෙන බව ආරංචි මාර්ග සදහන් කරයි