මීලඟ පොලිස්පතිවරයා වීමේ සිහිනයේ පසුවන ශ්‍රී ලංකා පොලිසියේ ඉහළම ජ්‍යෙෂ්ඨයින් කණ්ඩායම මේ වනවිට එකිනෙකා අභිබවමින් පොලිස්පතිවරයාව නිර්දේශ කිරීමේ බලය සහිත ව්‍යවස්ථා සභාවේ සාමාජිකයින් වන්දනාවේ යන බව වාර්තා වේ.
මෙහි බරපතලම සිද්ධිය වන්නේ තම තමන්ගේ හිතවත් නිලධාරියා පත් කරගැනීමේ පොරකය යෙදී සිටින ජ්‍යේෂ්ඨ දේශපාලකයින් කණ්ඩාමයක් ව්‍යවස්ථා සභාවේ සාමාජිකයින්ට බලපෑම් කරන මට්ටමට වැටී තිබීම බව දැනගන්නට ඇත.
ව්‍යවස්ථා සභාව සකස් වී ඇත්තේ කතා නායකවරයා, අගමැතිවරයා, විපක්ෂ නායකවරයා, ජනාධිපතිගේ නියෝජිතවරයා ( නිමල් සිරිපාල) , විපක්ෂ නායක නියෝජිතවරයා ( කබීර් හෂීම්) , සිවිල් සංවිධාන නියෝජිතයින් තිදෙනා සහ ආන්ඩුවෙ නියෝජිතවරයා ( සාගර කාරියවසම්) ගෙනි.
ව්‍යවස්ථාදායක සභාවට පත්වන සුළු ජාතික පක්ෂවල පාර්ලිමේන්තු නියෝජිතයා මේ වනතුරුත් පත් කර නැත.