යම් හෙයකින් 2023 වසරේ ජනවාරි, පෙබරවාරි මාස තුළ දී මහ මැතිවරණයක් පැවැත් වූයේ නම් එතුළ මෙරට ඡන්ද දායකයාගේ හැසිරීම සම්බන්ධයෙන් සෞඛ්‍ය ප්‍රතිපත්ති පිළිබඳ ආයතනය සිදුකළ නවතම සමීක්ෂණයක ප්‍රතිඵල නිකුත් වී තිබෙනවා.
එහි ප්‍රතිඵල අනුව ජාතික ජන බලවේගය (NPP) සහ සමගි ජන බලවේගය (SJB) එම මහ මැතිවරණයේ ඡන්දය ප්‍රකාශ කිරීමේ අභිප්‍රායයන් තුළ බොහෝ දුරට කරට කර සටන නියැලෙනු ඇති බවටයි එම මත විමසුම් සමීක්ෂණය පෙන්වා දෙන්නේ.
සෞඛ්‍ය ප්‍රතිපත්ති පිළිබඳ ආයතනය (IHP) විසින් කරන ලද මෙම සමීක්ෂණයට අනුව, දෙසැම්බර් සහ ජනවාරි මාසවලදී ජාතික ජන බලවේගය (NPP) මහ මැතිවරණයේ ඡන්දය ප්‍රකාශ කිරීමේ අභිප්‍රාය අනුව 32% ක මහජන මනාප ප්‍රතිශතයක් ලබා ගනිද්දී සමගි ජන බලවේගය (SJB) ඉදිරියේ එය සටහන් වී ඇත්තේ 31%ක් වශයෙන්.
මෙම පක්ෂ දෙක ශ්‍රී ලංකා පොදුජන පෙරමුණ (SLPP), එක්සත් ජාතික පක්ෂය (UNP) සහ ශ්‍රී ලංකා නිදහස් පක්ෂය (SLFP) ට වඩා ඉදිරියෙන් සිටින නමුත් ඔවුන් අතර වෙනස ඇත්තේ 1%ක සීමාවක් තුළ වීම විශේෂත්වයක්.
2022 ජුලි මාසයේ ජනාධිපති රනිල් වික්‍රමසිංහ බලයට පත්වීමෙන් පසුව සමගි ජන බලවේගය (SJB) ශුද්ධ ලකුණු තුනක් ද, ජාතික ජන බලවේගය (NPP) එක ලකුණක් ද, එක්සත් ජාතික පක්ෂය (UNP) ලකුණු පහක් ද ලබාගෙන ඇති බව මෙම විශ්ලේෂණයෙන් පෙන්වා දෙනවා.
මෙම විශ්ලේෂණයෙන් පෙන්වා දෙන්නේ ජාතික ජන බලවේගය (NPP) සහ සමගි ජන බලවේගය (SJB) ලබාගත් මෙම ජයග්‍රහණ හරහා බොහෝ දුරට හානි වී ඇත්තේ ශ්‍රී ලංකා පොදුජන පෙරමුණට බවයි.
මේ හරහා ඔවුනට 11% ප්‍රතිශතයකින් සහයෝගය අහිමි වී ඇති අතර මේ ප්‍රතිඵල හරහා ශ්‍රී ලංකා පොදුජන පෙරමුණ ලබාගෙන ඇති ප්‍රසාද ප්‍රතිශතය 8%ක්
මහ මැතිවරණයේ ඡන්දය ප්‍රකාශ කිරීමේ අභිප්‍රාය මාර්තු මාසයේ පැවැත්වීමට නියමිත පළාත් පාලන ආයතනවල ඡන්දය ප්‍රකාශ කිරීමට මාරු වේ යැයි උපකල්පනය කළහොත්, ශ්‍රී ලංකා මත විමසුම් සමීක්ෂණය (SLOTS) යෝජනා කරන්නේ වර්තමාන ප්‍රවණතා අනුව ජාතික ජන බලවේගය (NPP) සහ සමගි ජන බලවේගය අතට බොහෝ පළාත් පාලන ආයතනවල සහ කොට්ඨාශවල බහුතර බලය ලැබෙනු ඇති බවටයි.
කෙසේ වෙතත්, සමගි ජන බලවේගය (SJB) සහ ඉලංගෙයි තමිල් අරසු කච්චි (ITAK) උතුරු සහ නැගෙනහිර පළාත්වලත්, ජාතික ජන බලවේගය (NPP) බස්නාහිර, දකුණ, උතුරු-මැද සහ සබරගමුව පළාත්වල ග්‍රාමීය ප්‍රදේශවලත්, සමගි ජන බලවේගය (SJB) බස්නාහිර, දකුණ, උතුරු-මැද සහ සබරගමුව පළාත්වල නාගරික සහ මහ නගර සභාවල වඩාත් හොඳින් තරග කරනු ඇති බවටත් මෙම සමීක්ෂනය හෙලි කරනවා.
සෞඛ්‍ය ප්‍රතිපත්ති පිළිබඳ ආයතනයේ (IHP) ප්‍රධාන විමර්ශක සහ විධායක අධ්‍යක්ෂ ආචාර්ය රවී රන්නන්-එලිය සඳහන් කරන්නේ, “මෙය 2018 පළාත් පාලන මැතිවරණයෙ ප්‍රතිඵල සමග සසඳන විට අතිවිශාල වෙනසක් පෙන්නුම් කරන බවයි.
ඊට අමතරව 2020 මහ මැතිවරණ ඡන්දයෙන් ඉවත් වූ ඡන්දදායකයින් දිනා ගැනීමට සහ ඔවුන්ගේ ඡන්දය රඳවා ගැනීමට ජාතික ජන බලවේගය (NPP) සහ සමගි ජන බලවේගය (SJB) වඩා හොඳින් ක්‍රියා කරමින් සිටින බවටත් ඔහු පෙන්වා දෙනවා.
ජාතික ජන බලවේගය (NPP) අළුතෙන් ලියාපදිංචි වූ ඡන්දදායකයින් අතර සිය ජනප්‍රියතාව වඩා පැහැදිලි ලෙසින් රඳවාගෙන ඉදිරියෙන් සිටින නමුත් සමගි ජන බලවේගය (SJB) ආධාරකරුවන් ඡන්දය ප්‍රකාශ කිරීමේ දී ඉදිරියෙන් සිටීමට ඉඩ ඇති බවයි ඔවුන් පෙන්වා දෙන්නේ.