කුලියාපිටිය මහේස්ත්‍රාත් හා අතිරේක දිසා විනිසුරුවරයාගේ නිල මෝටර් රථය කොල්ලකෑ සැකකරු වත්තල ඔලියමුල්ල ප්‍රදේශයේදී අත්අඩංගුවට ගත් බව ගල්කිස්ස කොට්ඨාස අපරාධ විමර්ශන අංශය කියයි.
කොල්ල කෑ මෝටර් රථය ද පොලිස් බාරයට ගෙන ඇත. සැකකරු නවාතැන්ගෙන සිටි හෝමාගම උඩුවන ප්‍රදේශයේ නිවස පරික්ෂා කිරීමේදී එහි තිබී සැකකරු කොල්ලකෑම්වලට යොදා ගත් ව්‍යාජ පිස්තෝල දෙකක් , උල් පිහි හතරක් , විෂ දියරයක් සහිත බෝතලයක් , මෙන්ම මිරිස්කුඩු අඩංගු බෑගයක් පොලිස් භාරයට ගෙන.
මෝටර් රථය ලබාදීමට රුපියල් ලක්ෂ පහක් ඉල්ලා මහේස්ත්‍රාත්වරයාට සැකකරු ලබා ගත් ඇමතුම ඔස්සේ සිදු කළ දීර්ඝ විමර්ශනයකින් අනතුරුව සැකකරු අත්අඩංගුවට අත්අඩංගුවට ගැනීමට හැකි වූ බව පොලිස් නිලධාරියෙක් පැවැසීය.
හදිසි රෝගී තත්වයක් හේතුවෙන් මහේස්ත්‍රාත්වරයා රෝහල්ගත කළ බවත් යම් ගනුදෙනුවක් අවශ්‍ය නම් තමන් සමග කතා කරන ලෙස මහේස්ත්‍රාත් වරයාගේ සහෝදරයකු ලෙස සැකකරු හා දුරකථනයෙන් සම්බන්ධ වූ ගල්කිස්ස කොට්ඨාස අපරාධ විමර්ශන අංශයේ ප්‍රධාන පොලිස් පරීක්ෂක ගමගේ නිලන්ත මහතා සූක්ෂම අයුරින් සැකකරු එකඟ කරවාගෙන වත්තලට ගෙන්වා ගැනීමෙන් අනතුරුව සැකකරු අත්අඩංගුවට අත් අඩංගුවට ගැනීමට හැකි වූ බව පොලිසිය කියයි.
ඔලියමුල්ල ප්‍රදේශයේ ප්‍රසිද්ධ ආයතනයක් අසල වෙළඳසැලක නමක් පවසා එහි තිබෙන යතුර රැගෙන යන ලෙස මහේස්ත්‍රාත්වරයාගේ සහෝදරයකු ලෙස රඟපෑ ප්‍රධාන පොලිස් පරීක්ෂකවරයා අමතා සැකකරු ප්‍රකාශ කරන අයුරු එම ප්‍රදේශයේ තැන තැන සිවිල් ඇඳුමින් සරසවා රඳවා සිටී නිලධාරින්ගේ කන වැකීමත් සමඟම සැකකරු අත්අඩංගුවට ගත් බව පොලිසිය කියයි. අත්අඩංගුවට ගත් සැකකරු 27 හැවිරිදි වියේ පසුවන වත්තල පදිංචි කරුවෙකි.