පාසල් සිසුවෙකු කොච්චිකඩේ – තෝප්පුව පාලමෙන් මා ඔයට පැන අතුරුදන්වීමේ පුවතක් වාර්තාවනවා.
ඒ සම්බන්ධයෙන් 17 හැවිරිදි මෙම පාසල් සිසුවාගේ පියා කොච්චිකඩේ පොලිසිය වෙත පැමිණිල්ලක් ඉදිරිපත් කර ඇති බව සඳහන්.
සිසුවා මඩම්පැල්ල – අකරගම ප්‍රදේශයේ පදිංචිකරුවෙක්.
මොහු විසින් තවත් සිසුවෙකුට අයත් රුපියල් ලක්ෂ 3 ක පමණ ජංගම දුරකතනයකට හානි කළ බවට මීට පෙර පොලිසියට පැමිණිල්ලක් ඉදිරිපත්ව තිබුණා.
පසුව දෙපාර්ශ්වය සමථයකට පත්ව තිබූ අතර, කොටස් වශයෙන් මුදල් ගෙවීමටයි එකඟතාවකට පැමිණ තිබුණේ.
එම මුදල් ගෙවීමට යන බව පවසමින් නිවසින් පැමිණි සිසුවා මෙලෙස තෝප්පුව පාලමෙන් මා ඔයට පැන ඇති බවයි පොලිසිය කියා සිටියේ.