යාපනය විශ්ව විද්‍යාලීය සිසුන් නිදහස් දිනය යෙදෙන හෙට ( 4 ) උතුරු නැගෙනහිර පළාත් දෙක තුළ පූර්ණ හර්තාල් ව්‍යාපාරයක් ප්‍රකාශයට පත් කොට තිබේ.
පූර්ණ හර්තාලයක් ක්‍රියාත්මක වන නිසා මෙදින ඒ සියලුම ප්‍රදේශවල සියලු කටයුතුන් අඩපණ වීම හා නවතා දැමීම සිදු කළ යුතු බවද විශ්ව විද්‍යාලයීය ශිෂ්‍ය සංගමය උතුරු නැගෙනහිර ජනතාවට දැනුම් දී ඇත.
මෙදින ජාතික නිදහස් දිනයට විරෝධය පල කිරීම පිණිස සියලුම වෙළද සැල් වසා දමන ලෙසත් ඒවායෙකි කලු කොඩි ඔසවා තබන ලෙසත් විශ්ව විද්‍යාලයීය ශිෂ්‍ය සංගමය ජනතාවගෙන් ඉල්ලීමක් කොට තිබේ.
ජාතික නිදහස් දිනයට එරෙහිව උතුරු නැගෙනහිර පළාත්වල විරෝධතා පෙලපාලි රැසක් සංවිධානය කොට ඇති අතර යාපනයේ සිට මඩකලපුව දක්වා විරෝධතා පා ගමනක්ද නිදහස් දිනය දා ආරම්භ වෙයි.