රාජ්‍ය දේපොළ විකුණා හෝ ඩොලර් අර්බුදය විසඳා නො ගත හොත් ලංකාවට ජාත්‍යන්තර වෙළෙඳපොළහි මිල දී ගැනීම් කිරීම අපහසු වනු ඇති බව අමාත්‍ය බන්දුල ගුණවර්ධන පවසනවා
රට තුළ පවතින විදෙස් සංචිත ගොඩ නඟන්නට කටයුතු නො කරන්නේ නම්, මොන ම හෝ දේපොළක් විකුණා පවතින ඩොලර් අර්බුදය විසඳා ගත යුතු බව යි ඔහු සඳහන් කරන්නේ.
එසේ නොමැති වුව හොත් ජාත්‍යන්තරය සමඟ ගනුදෙනු කරන්නට හැකියාවක් නොමැති බවත් හා එදිනෙදා රජයේ වියදම් පවත්වාගෙන යෑමේ ගැටලුවක් මතු වන බවත් බන්දුල ගුණවර්ධන අවධාරණය කරනවා.
ලංකාව අනිවාර්යයෙන් ම විදේශ සංචිත ප්‍රමාණය ඇමරිකානු ඩොලර් බිලියන 03ට වැඩි මට්ටමකට ගෙන ඒමට කටයුතු කළ යුතු බව ද ඔහු පවසනවා.
රටේ කුමන හෝ වත්කම් අලෙවි කිරීමට කටයුතු කර අය-වැයේ පවතින අර්බුදය සමනය කිරීමට කටයුතු කළ යුතු බව යි කැබිනට් තීරණ දැනුම් දීමේ මාධ්‍ය හමුවේ දී ඔහු ඊයේ (06) පැවසුවේ.
මෙච්චර කල් කරෙත් විකුණන එකනෙ