ධීවර කර්මාන්තය සඳහා අවශ්‍ය ඉන්ධන සහ භූමිතෙල් සහනාධාරය ලබා දුන්නොත් ජනාධිපතිතුමාගේ කකුල් දෙක අල්ලා වඳින බව හම්බන්තොට දිස්ත්‍රික් මන්ත්‍රී දිලිප් වෙදාරච්චි පවසනවා.
මන්ත්‍රීවරයා මේ බව සඳහන් කළේ අද ධීවර අමාත්‍යාංශයේ වැය ශීර්ෂය පිළිබඳ කාරකසභා අවස්ථා විවාදයට එක්වෙමින්.
ධීවර අමාත්‍යංශය ගැන කතා කරනකොට කලකිරීමක් වේදනාවක් දැනෙන බවද වර්තමානයේ ධීවර අමාත්‍යාංශය විනාශ වෙමින් ධීවරයා අනාථ වෙමින් සිටින බවද මන්ත්‍රීවරයා කීය.
ඉන්ධන ප්‍රශ්නය ධීවර කර්මාන්තය කඩා වැටීමට ප්‍රධාන ලෙස බලපා තිබෙන බවද රට වටේ ම මූදේ මත්ස්‍ය සම්පත විදේශ රට වලින් ඇවිත් කොල්ල කන අතර ඉහළ පෙලේ නායකයන් ද අමාත්‍යංශ නිලධාරීන් ද ඊට අවශ්‍ය කියවිලි සකස් කරදී කර දී පහසුකම් සලසන බව ද දිලිප් වෙදාරච්චි මහතා පැවසීය.
අමාත්‍යංශයේ ආයතන බිස්නස් ආයතන බවට පත්කරගෙන තිබෙන බව කී මන්ත්‍රීවරයා ඩීසල් භූමිතෙල් වැඩිවීම නිසා බහු බහුදින යාත්‍රා රැකියාවේ යාම 50% කින් අඩු වී තිබෙන බවද සඳහන් කළේය.