එයාර්බස් ගනුදෙනුවෙන් ශ්‍රී ලංකන් සමාගමට දැවැන්ත පාඩුවක් !

ශ්‍රි ලංකන් ගුවන් සමාගම විසින් A 350-900 ගුවන් යානා 04ක් බදු පදනම මත ලබා ගැනිම සදහා වු බදු ගිවිසුම අවලංගු කිරිමේ ක්‍රියාවලියේදී රුපියල් මිලියන 16,924,36ක අලාභයක් ගුවන් සාමගමට සිදුවී ඇති බව ජාතික විගණන කාර්යාලය මගින් ශ්‍රි ලංකන් ගුවන් සමාගම සම්බන්ධයෙන් 2021 වර්ෂයට අදාලව නිකුත්කොට ඇති වාර්ෂික විගණන වාර්තාවේ සදහන් වෙනවා.

කෙසේවුවද මෙම ගණුදෙනුවට අදාළව එවකට ශ්‍රි ලංකන් ගුවන් සමාගමේ ප්‍රධාන විධායක නිලධාරියාගේ බිරිදට අයත් සමාගමකට ගෙවිම් කිරිමට එයාර්බස් සේවකයින් එකගවි තිබු බවද විගණනය මගින් අනාවරණය කොට තිබෙනවා.

මේ බව එක්සත් රාජධානියේ ක්‍රවන් උසාවියේ තින්දුවෙන් ද අනාවරණය වි තිබුණා.

මේ නිසා නිති උපදෙස් මත පදනම්ව ශ්‍රි ලංකන් ගුවන් සමාගම විසින් එස්.ඒ.එස්. එයාර්බස් සමාගමෙන් A 350-900 ගුවන්යානා මිලදි ගැනිමේ ගිවිසුම අවසන් කර තිබුණා.

ශ්‍රි ලංකන් ගුවන් සමාගම විසින් එස්.ඒ.එස්. එයාර්බස් සමාගම සමඟ ගුවන් යානා මිලදී ගැනිම සදහා ගිවිසුම්ගතව තිබු අතර .2016/2017 යන වර්ෂයන් වලදි මෙම ගුවන් යනා ලබාදිමට නියමිතව තිබුණා.

පෙර ගෙවුම් ලෙස එස්.ඒ.එස්. එයාර්බස් සමාගම වෙත ගුවන්යානා ගණුදෙනුව සදහා රුපියල් මිලියන 16,924,36ක මුදල ගෙවා තිබුණා.

ගුවන් සමාගමේ හිටපු ප්‍රධාන විධායක නිලධාරියාට එරෙහිව, සමාගම විසින් කිසිදු ක්‍රියාමාර්ගයක් ගෙන නොතිබු අතර අලාභය අය කර ගැනිමට කටයුතු කර නොතිබු බවද විගණන වාර්තාවේ සදහන් වෙනවා.

මේ නිසා සමාගමට සිදුවු අලාභය අයකරගැනිමට එයාර්බස් සමාගමට සහ හිටපු ප්‍රධාන විධායක නිලධාරියාට එරෙහිව ඉදිරි ක්‍රියාමාර්ග ගතයුතු බව විගණනය මගින් නිර්දේශ කොට තිබෙනවා.

මේ අතර 2020/2021 යන වර්ෂවල ලැබිමට නියමිත ව තිබු A 350-900 මෙම ගුවන්යානා 04 වෙනුවට A 321 නියෝ සහ A 330 නියෝ ගුවන් යානා මිලදි ගැනිමට සමාගම හා එස්.ඒ.එස්.එයාර්බස් සමාගම අතර සාකච්ඡා පැවැත්වෙමින් තිබුණා.

මෙම වර්ෂයේ ඔක්තෝබර් මස 03වැනිදින වනවිට ගුවන් යානා ලබා ගැනිමේ පෙර ගෙවුම් ලෙස රුපියල් මිලියන 2528.12ක ( ඇමරිකානු ඩොලර් මිලියන 19.21) මෙම සමාගම වෙත ගෙවා තිබු බවද විගණන වාර්තාවේ සදහන් වේ.

ගුවන් සමාගමේ කළමණාකාරිත්වය විසින් මේ පිළිබද විගණනයට සදහන් කොට ඇත්තේ එයාර්බස් සමාගමේ සේවකයින් විසින් ශ්‍රි ලන්කන් ගුවන් සමාගමේ හිටපු ප්‍රධාන විධායක නිලධාරියාගේ බිරිදට අයත් සමාගමකට, ගුවන් යානා මිලදි ගැනිමේ ගනුදෙනුවට බලපැම් සිදුකිරිම සදහා ගෙවිම් කිරිමට එකග වි තිබු බවයි.

ඒ අනුව ශ්‍රි ලංකන් ගුවන් සමාගමට A 330-300 ගුවන් යානා 06ක්,A 300-350, ගුවන් යානා 04ක්, මිලදි ගැනිමට හා A 350-900 ගුවන්යානා 04 ක් කුලිපදනම මත ලබා ගැනිමේ ගනුදෙනුවට බලපැම් සිදුකිරිම සදහා ගෙවිම් කිරිමට එකග වි තිබු බවයි.

එක්සත් රාජධානියේ සුපිරි අධිකරණය මගින් බරපතල වංචා කාර්යාලය හා එස්.ඒ.එස් එයාර්බස් සමාගම අතර ඇති කරගෙන තිබු ගිවිසුම අනුමත කරමින් ලබාදෙනු ලැබු තින්දුව මගින් මෙම කරුණු අනාවරණය වි ඇති බවයි.

එමෙන්ම ගුවන් සමාගම විසින් එයාර්බස්, එස්.ඒ.එස් හා එයාර්බස් එස් ඊ වෙත ගුවන් යානා ලබා ගැනිමේ පෙර ගෙවිම පොලිය සමග ආපසු ලබාදෙන ලෙස ඉල්ලා එන්තරවාසියක් යවා තිබෙනවා.

මෙකි ගුවන් යානා මිලදි ගැනිම සදහා ගුවන් සමාගමේ අධ්‍යක්ෂක මණ්ඩලය විසින් අමාත්‍ය මණ්ඩලයේ අනුමැතියකින් තොරව තින්දුකොට තිබුණා.

එමෙන්ම ඒ සදහා විදිමත් පිරිවැය ප්‍රතිලාභ විශ්ලේෂණයක්ද සිදුකර නොතිබුණා.