ව්‍යවසායකයෙක්, නව මතධාරියෙක්, සිවිල් ක්‍රියාකාරිකයෙක්, දේශකයෙක්, ලේඛකයෙක් මෙන්ම ලංකා තරුණ සංවිධාන ජාලයෙහි සභාපති වන අරුණ ප්‍රදීප් කුමාර මහතාගේ “දෙකෝටියක සිහින” කෘතිය එළිදැක්වීම අද (15) දිනයේ සිදු කිරීමට නියමිතයි.
අද පස්වරු තුනට කෘතිය එළිදැක්වීමේ උත්සවය ශ්‍රී ලංකා පදනම් ආයතනයේ ප්‍රධාන ශාලාවේදී පැවැත්වෙන අතර, එහි ප්‍රධාන දේශනය මහාචාර්ය ධම්ම දිසානායක විසින් ද, අදහස් දැක්වීම ආචාර්ය හර්ෂ ද සිල්වා, ඩලස් අලහප්පෙරුම, එරාන් වික්‍රමරත්න, මහාචාර්ය චරිත හේරත්, රොහිණී කවිරත්න, ප්‍රේමනාත් සී. දොලවත්ත, ආචාර්ය හරිනි අමරසුරිය, මාධ්‍යවේදී තිවංක බැරගම යන මහත්ම මහත්මීන් විසින් සිදු කරනු ලබයි.
කොළඹ විශ්ව විද්‍යාලයේ ශාස්ත්‍රපති උපාධිය හැදෑරූ අරුණ ප්‍රදීප් කුමාර, මැලේසියාවේ කළමණාකරන හා විද්‍යා විශ්ව විද්‍යාලයේ ආචාර්ය උපාධිය හදාරමින් සිටින්නෙක්. තරුණ නියෝජනය, ස්ත්‍රී පුරුෂ සමාජ භාවය”, ආදී කාරණා පිළිබඳව දශක දෙකකට වැඩි කලක් තිස්සේ මතවාදීමය සහ ප්‍රායෝගික වශයෙන් මැදිහත් වීම් සිදු කළ ඔහු, දෙවසරක් පුරා මව් බිම ජාතික පුවත්පතට ලියන ලද think tank තීරු ලිපි එකතුව අද දිනයේ මෙලෙස “දෙකෝටියක සිහින” ලෙසින් එලි දැක්වීමට නියමිතයි