පානදුර දකුණ මුලස්ථාන පොලීසියේ ප්‍රධාන පොලිස් පරීක්ෂකවරයාගේ හැසිරීම සම්බන්ධයෙන් වහාම පරීක්ෂණයක් පවත්වන ලෙස පොලිස්පතිවරයා දැනුම් දී තිබේ.
පොලිස් මාධ්‍ය ප්‍රකාශක , ජ්‍යෙෂ්ඨ පොලිස් අධිකාරී, නීතිඥ නිහාල් තල්දූව මහතා කියා සිටියේ, පොලිස් විශේෂ විමර්ශන ඒකකයේ අධ්‍යක්ෂවරයා වෙත අදාළ නියෝගය ලබාදුන් බවය.
ඊයේ (12) සවස පානදුර, පල්ලියමුල්ල ප්‍රදේශයේ දී පෙළපාලියක ගමන්ගත් කාන්තාවන් කිහිපදෙනෙක් අත්අඩංගුවට ගැනීමට යෑමේ දී ඇතිවූ සිදුවීමක් සම්බන්ධයෙන් සමාජ මාධ්‍යවල වීඩියෝ දර්ශන පළ වී තිබුණි.
එම අවස්ථාවේ දී පානදුර දකුණ මුලස්ථාන පොලීසියේ ප්‍රධාන පොලිස් පරීක්ෂකවරයා, පොලිස් කොස්තාපල්වරියන්ගේ ගෙලෙන් අල්ලා තල්ලු කර දමන අයුරු කැමරාවේ සටහන්ව ඇත.
අදාළ පොලිස් පරීක්ෂකවරයාට එරෙහිව සිදුකරන විමර්ශනවලදී කාන්තා පොලිස් නිලධාරීන්ට යම් අකටයුත්තක් සිදුව ඇතැයි අනාවරණය වුවහොත් ඒ සම්බන්ධයෙන් පොලිස් විශේෂ විමර්ශන ඒකකයේ අධ්‍යක්ෂවරයා විසින් ලබාදෙන නිර්දේශ අනුව තීරණයක් ගැනීමට නියමිතව ඇතැයි ද පොලිස් මාධ්‍ය ප්‍රකාශකවරයා පැවසිය.
🤣🤣🤣🤣🤣🤣🤣