“2021 විවාහක රූ රැජින පුෂ්පිකා ද සිල්වා” – චන්දිමාල් මාධ්‍ය හමුවක් කැඳවයි!

2021 ශ්‍රී ලංකා විවාහක රූ රැජින කිරුළ අධිකරණ සමථයක් අනුව නැවතත් පුෂ්පිකා ද සිල්වාට හිමි වූ බව එම තරගයේ ජාතික අධ්‍යක්ෂ චන්දිමාල් ජයසිංහ ඊයේ (28) කොළඹ පැවති මාධ්‍ය හමුවකදී පැවසීය.

ගල්කිස්ස දිස්ත්‍රික් අධිකරණයේ පැවති නඩු විභාගයකදී එළඹුණු සමථයකට අනුව මාධ්‍ය හමුවක් පවත්වා එය ප්‍රසිද්ධියේ ප්‍රකාශ කළ යුතු බව ත් ඒ අනුව අද එය මෙසේ ප්‍රකාශයට පත් කළ බව ත් චන්දිමාල් ජයසිංහ සඳහන් කළේ ය.

2021 අප්‍රේල් 4 වන දා කොළඹ නෙළුම් පොකුණ රඟහලේ පැවති තරගාවලියේ අවසන් වැඩසටහනේදී වේදිකාව මතට නැගි 2019 ලෝක විවාහක රූ රැජින ලෙස තේරී පත් වූ කැරොලයින් ජූරි නිවේදනයක් නිකුත් කරමින් පැවසුවේ පුෂ්පිකාගේ කිරුළ ප්‍රසිද්ධියේ ගැලවූයේ දික්කසාද වූ තැනැත්තියක් නිසා කිරුළ දැරීමට නොසුදුසු බව කියමිනි.

කෙසේ වෙතත් පසුව ඇය දික්කසාද වී නැති බව තහවුරු වී තිබිණි.

සිදුවීම වූ අවස්ථාවේදී පුෂ්පිකා ද සිල්වා තම නිල ෆේස්බුක් පිටුවෙන් සංවිධායක මණ්ඩලයට මෙසේ අභියෝග කර තිබුණි.

මම දික්කසාද ගැහැණියක් නොවෙමි. මේ ලියන මොහොතේත් මා දික්කසාද ගැහැණියක් නොවන බව ඉතා වගකීමෙන් කියමි. මම දික්කසාද නම්, මගේ දික්කසාද ලියවිලි ඉදිරිපත් කරන ලෙස මම ඔවුන්ට අභියෝග කරමි. මම මගේ දරුවා සමග සිටින බව මම ලෝකයෙන් සඟවා නැත. එසේ සිටින්නට මට පෞද්ගලික හේතු ද ඇත. නමුත්, වෙන් ව සිටීම එකකි. දික්කසාදය යනු වෙන ම එකකි. මම තව ම දික්කසාද නො වූ තැනැත්තියක් වෙමි.

මේ තරගාවලිය ආරම්භයේදී ම මා ඊට නුසුදුසු නම්, මා එයින් ඉවත් කරන්නට ඔවුන්ට ඉඩ තිබුණි. අවශේෂ තරග ඉසව් එකින් එක පසුකර මා මෙතෙක් දුර එනතෙක් ඔවුන් සිටියේ නින්දේ නොවේ