බීමතින් රිය ධාවනය කළ 251ක් අත්අඩංගුවට!

ගත වූ පැය 24 තුළ බීමතින් රිය ධාවනය කළ පුද්ගලයන් 251 දෙනෙකු අත්අඩංගුවට ගත් බව පොලිස් මාධ්‍ය ප්‍රකාශක, ජ්‍යෙෂ්ඨ පොලිස් අධිකාරී බුද්ධික මනතුංග සඳහන් කළා.
මීට අමතරව අනෙකුත් මාර්ග නීති උල්ලංඝනය කිරීම හේතුවෙන් රියදුරන් 8,747 දෙනෙකුට එරෙහිව නීතිය ක්‍රියාත්මක කර තිබෙනවා.
වැඩබලන පොලිස්පති ප්‍රියන්ත වීරසූරියගේ උපදෙස් මත උත්සව සමයේ රිය අනතුරු අවම කර ගැනීමේ අරමුණින් ශ්‍රී ලංකා පොලීසිය විසින් ක්‍රියාත්මක කරනු ලබන මෙම විශේෂ රථවාහන මෙහෙයුම පෙරේදා දිනයේදී ආරම්භ කරනු ලැබුවා.