හික්කඩුව මුහුදු තීරයේ දිය නාමින් සිටි රුසියානු ජාතික පිරිමි පුද්ගලයෙකු, කාන්තාවක් හා දැරියන් දෙදෙනෙකු දිය වැලකට හසුව ගසාගෙන යමින් සිටියදී වෙරළ තීරයේ රාජකාරී යෙදී සිටි පොලිස් ජිවිතාරක්ෂක නිලධාරීන් විසින් ඊයේ (16) බේරා ගෙන ප්‍රථමාධාර ලබා දී පිටත් කර හැර තිබෙන බව වාර්තා වනවා.
එම අනතුරින් එසේ මුදාගෙන ඇත්තේ, වයස අවුරුදු 40ක්වන පිරිමි පුද්ගලයෙකු, වයස අවුරුදු 39ක්වන කාන්තාවක් සහ 13 හා 07 යන වයස්වල පසුවන දැරිවියන් දෙදෙනෙක්.
එසේම ඔවුන් එකම පවුලේ සාමාජිකයන් බවයි පොලිසිය ප්‍රකාශ කොට ඇත්තේ.
හික්කඩුව පොලිස් ස්ථානයට අනුයුක්තව රාජකාරි කරනු ලබන පොලිස් ජීවිතාරක්ෂක ඒකකයේ පොලිස් පරීක්ෂක හේවගේ, පොලිස් කොස්තාපල් 96793 ඒකනායක, පොලිස් කොස්තාපල් 102748 දිසානායක හා පොලිස් කොස්තාපල් 105456 ජයසිංහ යන නිලධාරීන් විසින් මෙම පිරිසේ දිවි බේරා ගැනීමට කටයුතු කර තිබෙනවා.