This image was AI genarated
අම්පාර – මාවඩ්ඩිපල්ලි ප්‍රදේශයේදී ට්‍රැක්ටර් රථයක් පෙරලී අතුරුදන් සිසුන් 06 දෙනාගෙන් එක් සිසුවෙකුගේ මෘත දේහයක් සොයාගෙන ඇති බව පොලිස් මාධ්‍ය ප්‍රකාශක , නීතීඥ නිහාල් තල්දූව සඳහන් කරනවා.
මාධ්‍ය ප්‍රකාශකවරයා මේ පිළිබඳව සඳහන්කර සිටියේ මේ මොහොතේ ආපදා තත්ත්වය පිළිබඳව දැනුම්දෙන මාධ්‍ය සාකච්චාවේදීයි.
අනතුරු සිදු වන අවස්ථාවේ ට්‍රැක්ටර් රථයේ 13 දෙනෙකු ගමන් කර තිබෙනවා.
අදාළ ට්‍රැක්ටර් රථය අම්පාර – මාවඩ්ඩිපල්ලිය පාලම මතින් ධාවනය කිරීමේදීයි මෙම අනතුර සිදුව ඇත්තේ.
ට්‍රැක්ටර් රථයේ රියදුරු සහ සහයකයා ද සොයා ගැනීමට හැකිව තිබුණේ නැහැ.
මේ අතර පවතින වැසි තත්ත්වය හමුවේ කැළණි ගගේ ජල මට්ටම ඉහළ යාම හේතුවෙන් ඉදිරි පැය 48 තුළ ප්‍රාදේශීය ලේකම් කොට්ඨාස කිහිපයකට සුලු ගංවතුර තත්ත්වයන් ඇති විය හැකි බව වාරිමාර්ග දෙපාර්තමේන්තුව අනතුරු අඟවා තිබෙනවා.
ඒ අනුව, සීතාවක, දොම්පේ, හෝමාගම, කඩු‍වෙල, බියගම, කොළොන්නාව, කොළඹ සහ වත්තල යන ප්‍රාදේශීය ලේකම් කොට්ඨාසවලට අයත් කැලණි ගඟ නිම්නයේ පහත්බිම් ප්‍රදේශවල සිටින ජනතාව දැඩි අවදානයෙන් පසුවන ලෙසයි එම දෙපාර්තමේන්තුව දැනුම් දෙන්නේ.
මධ්‍යම කදුකරයේ බටහිර බෑවුම් ප්‍රදේශවලට තවදුරටත් ඇද හැලෙන අධික වර්ෂාපතනයත් සමග නෝටන්බි්‍රඡ් – විමලසුරේන්ද්‍ර ජලාශය මෙන්ම ඉහළ කොත්මලේ ජලාශය වාන් දැමීම ආරම්භ කර තිබෙනවා.
එසේම, කාසල්රී සහ මවුස්සකැලේ ජලාශවල ජල මට්ටම ද ඉහළ යමින් පවතින බවයි ජලාශ භාර ඉන්ජිනේරුවරුන් ප්‍රකාශ කළේ.
ඉහළ කොත්මල ජලාශයේ වාන් දොරටු 03 ක් අද අලු‍යම සිට විවෘත කෙරුණා.
තවදුරටත් අධික වැසි ඇද හැලු‍ණහොත් එම ජලාශයේ සෙසු වාන් දොරටු ද ස්වයංක්‍රීයව විවෘත වන බැවින් ජලාශයට පහළින් කොත්මලා ඔය දෙපස පදිංචිකරුවන්ට සැලකිලිමත් වන ලෙස දිස්ත්‍රික් ආපදා කළමණාකරණ ඒකකය දැනුම් දෙනවා. ඒ හේතුවෙන් සෙන්ක්ලේයා සහ ඩෙවෝන් දිය ඇලිවල ජල ධාරිතාව ද ඉහළ ගොස් ඇති බව සදහන්.
මේ අතර, අයහපත් කාලගුණ තත්වය හේතුවෙන් කොළඹ සිට බදුල්ල බලා ධාවනය වන රාත්‍රී තැපැල් දුම්රිය අද දිනයේද ධාවනය වන්නේ නැහැ.
එසේම කොළඹ සිට බදුල්ල බලා ධාවනය වන දුම්රිය ගමන්වාර කිහිපයක් නානු ඔය දුම්රිය ස්ථානය දක්වා තවදුරටත් සීමා කර තිබෙනවා.
මේ අතර අයහපත් කාලගුණය සමග , උතුරුමැද පළාතේ සියලු මුස්ලිම් සහ දෙමළ පාසල් අද සිට ලබන සිකුරාදා දක්වා වසා තැබිමට පළාත් අධ්‍යාපන බලධාරීන් තීරණය කරනු ලැබුවා.
මාර්ග රැසක් ජලයෙන් යටවී ඇති බවයි කොළඹ දැන් පැවැත්වෙන මාධ්‍ය හමුවකට එක්වෙමින් පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති නිහාල් තල්දූව කියා සිටියේ.
දිවයිනේ උතුරු, උතුරු-මැද, මධ්‍යම,බස්නාහිර සහ වයඹ පළාත්වලත් ත්‍රිකුණාමලය, මඩකලපුව සහ කෑගල්ල දිස්ත්‍රික්කවලත් විටින් විට වැසි…
ගතවූ පැය 24 තුළ මිලිමීටර් 250 ඉක්මවූ තද වැසි ඇදහැලීම හේතුවෙන් මහනුවර දිස්ත්‍රික්කයේ ප්‍රාදේශීය ලේකම්…
පුද්ගලයන් 11 දෙනෙක් රැගත් ට්‍රැක්ටරයක් කාර්තිව් පොලිස් බල ප්‍රදේශයේ කාවඩි පල්ලිය අසළ පාලමක් මතින් ගමන්…
පවතින අධික වැසි හේතුවෙන් මේ වනවිට පැවැත්වෙන අපොස උසස් පෙළ විභාගය දින 3කට තාවකාලිකව අත්හිටුවීමට…
හිටපු මහ බැංකු අධිපති අර්ජුන මහේන්ද්‍රන්ට ලබන පෙබරවාරි මස 25 වනදා අධිකරණයේ හමුවේ පෙනී සිටින…
ඉන්දීය ප්‍රිමියර් ලීග් (IPL) ඉතිහාසයේ කණ්ඩායමක් සමග ගිවිසුමක් අත්සන් කළ ළාබාලතම ක්‍රීඩකයා වීමට බිහාර් ප්‍රාන්තයේ…