හිටපු අමාත්‍ය ජොන්ස්ටන් ප්‍රනාන්දුගේ ප්‍රශ්නගත බී.එම්.ඩබ්ලිව්. වර්ගයේ මෝටර් රථයක් එකලස් කිරීමේ සිද්ධියට අදාලව තවත් පුද්ගලයෙකු අත්අඩංගුවට ගෙන කොටුව මහේස්ත්‍රාත් අධිකරණයට යොමු කර තිබෙනවා.
ලියාපදිංචි නොකළ මෙම සුඛෝපභෝගි මෝටර් රථයක් සැකකාර හිටපු අමාත්‍යවරයා වෙත ගෙන ගොස් දී ඇත්තේ මොහු බවටයි අපරාධ පරීක්ෂණ දෙපාර්තමේන්තුව අධිකරණයට දැනුම් දුන්නේ. ඔහු අදාළ මෝටර් රථය එකලස් කළ බවට පැවසෙන පුද්ගලයාගේ ඥාතියෙක් වන බව වාර්තා වනවා. මොහු ඊයේ කොටුව මහේස්ත්‍රාත් තනූජා ලක්මාලි හමුවට ඉදිරිපත් කිරීමෙන් අනතුරුව රුපියල් ලක්ෂ පහ බැගින් වූ ශරීර ඇප දෙකක් මත මුදා හැර තිබෙනවා.
මෙම සිද්ධිය සම්බන්ධයෙන් හිටපු අමාත්‍ය ජොන්ස්ටන් ප්‍රනාන්දු ඇතුලු තුන්දෙනෙකු අත්අඩංගුවට ගෙන පසුව ඇප මත මුදා හරිනු ලැබුවා.