මැක්ඩොනල්ඩ්ස් (McDonald’s) කෝපරේෂන් සහ එහි ශ්‍රී ලංකා හවුල්කරු වූ ඉන්ටර්නැෂනල් රෙස්ටුරන්ට් සිස්ටම්ස් (පෞද්ගලික) සමාගම, අන්‍යෝන්‍ය වශයෙන් එකඟ වූ නෛතික විසඳුමකින් පසු ඔවුන්ගේ ව්‍යාපාරික සබඳතාව අවසන් කර ඇති බව එම සමාගම් ඒකාබද්ධ ප්‍රකාශයක් නිකුත් කරමින් කියා සිටියා.
ප්‍රකාශය බලයලත් හවුල්කාරිත්වය අවසන් කිරීම තහවුරු කර තිබුණා. එමෙන්ම පසුගිය මාස කිහිපය තුළ මාධ්‍ය තුළ මතු වූ කටකතා හෝ සමපේක්ෂන බැහැර කරන ලෙස සමාගම් මහජනතාවගෙන් ඉල්ලා සිටියා.
එම ප්‍රකාශය බේරුම්කරණයේ නියමයන් පිළිබඳ විස්තර හෝ මැක්ඩොනල්ඩ්ස් ශ්‍රී ලංකාව තුළ නව මෙහෙයුම් සිදු කරන්නේද යන්න සඳහන් කර නැත.
මැක්ඩොනල්ඩ්ස් අවහන්හල් ජාලය ශ්‍රී ලංකාව තුළ බෙහෙවින්ම ජනප්‍රියත්වයට සහ ප්‍රසාදයට ලක් වෙමින් තිබූ පසුබිමක ඇතිවන කළමනාකරණ ප්‍රමිතියේ අර්බුදයක් හේතුවෙන් එම සමාගමේ ලංකාවේ අවන්හල් පද්ධතිය තාවකාලිකව වසා දැමිණි.