ශ්‍රී ලංකාවට පැමිණෙන සෑම සංචාරකයකුගේම ආරක්‍ෂාව ඉහළ මට්ටමින් පවත්වාගෙන යෑමට අවශ්‍ය පියවර ගෙන ඇතැයි ශ්‍රී ලංකා සංචාරක ප්‍රවර්ධන කාර්යාංශය පවසයි.
සංචාරකයන් ශ්‍රී ලංකාවේ රැඳී සිටින කාලය පුරා එම සංචාරකයන්ට ආරක්‍ෂාව සැලසීමට ආරක්‍ෂක අමාත්‍යාංශයද ශ්‍රී ලංකා සංචාරක ප්‍රවර්ධන කාර්යාංශයට සහතික වී ඇති බවද එම කාර්යාංශය කියයි.
මේ නිසා එළැඹෙන සංචාරක සමයේදී ශ්‍රී ලංකාවට එන සියලුම සංචාරකයන්ට ආරක්‍ෂිතව තම සංචාරක අත්දැකීම් විඳගත හැකි බවද, එම නිසා ලොව පුරා සිටින සංචාරකයන්ට ශ්‍රී ලංකාවට පැමිණෙන ලෙස ආරාධනා කරන බවද ශ්‍රී ලංකා සංචාරක ප්‍රවර්ධන කාර්යාංශය තවදුරටත් පවසයි.