වසර හතක් ගතවන තුරු මැතිවරණයකට තරඟ කළ නොහැකි ලෙස තමන්ට එරෙහිව පනවා ඇති තහනමේ කාලය ඉදිරි පාර්ලිමේන්තු මැතිවරණයට තරග කිරීමට හැකිවන පරිදි අඩු කරන ලෙස එක්සත් ප්රජාතන්ත්රවාදී හඬ පක්ෂයේ නායක රංජන් රාමනායක මහතා ජනාධිපති අනුර කුමාර දිසානායක මහතාගෙන් ඉල්ලීමක් කර තිබෙනවා.
2024 ඔක්තෝම්බර් 02 දිනැති ලිපියට ජනාධිපතිවරයාගේ ප්රතිචාරය බලාපොරොත්තුවෙන් සිටින බවද රංජන් රාමනායක මහතා සිය ලිපියෙන් ඉල්ලා තිබෙනවා.
පසුගිය පාර්ලිමේන්තුවේ ගම්පහ දිස්ත්රික්ක සමගි ජන බලවේගය පක්ෂ මන්ත්රීවරයා ලෙස පත්වූ ඔහු මෙවර එක්සත් ප්රජාතන්ත්රවාදී හඬ පක්ෂයේ ගම්පහ දිස්ත්රික් කණ්ඩායමේ නායකයා ලෙස නාමයෝජනා භාර දී තිබෙනවා.
ප්රජාතන්ත්රවාදී හඬ පක්ෂයේ නාමයෝජනා ලැයිස්තුව මැතිවරණ කොමිසම විසින් පිළිගෙන ඇති අතර එළඹෙන මහ මැතිවරණය නොවැම්බර් 14 වැනිදා පැවැත්වීමට නියමිතය.
2021 ජනවාරි 12 වැනි දින ශ්රේෂ්ඨාධිකරණයේ ත්රිපුද්ගල විනිසුරු මඩුල්ලක් විසින් අධිකරණයට අපහාස කිරීමේ චෝදනාවකට රන්ජන් රාමනායක වරදකරු බවට තීන්දු කරනු ලැබුවා.
ඒ අනුව යහපාලන රජය සමයේ මහාමාර්ග හා මාර්ග සංවර්ධන රාජ්ය අමාත්යවරයා ලෙස කටයුතු කළ රන්ජන් රාමනායකට වසර 4ක බරපතල වැඩ සහිත සිරදඬුවමක් ශ්රේෂ්ඨාධිකරණය විසින් නියම කළා.
එහිදී ඔහුට වසර හතක කාලයක් සඳහා (ජනවාරි 12, 2021 සිට 2028 ජනවාරි 12 දක්වා) ඔහුගේ ඡන්ද අයිතිය හෝ තේරී පත්වීමේ අයිතිය ස්වයංක්රීයව අහිමි වුණා.
අපොස සාමාන්ය පෙළ (2023) විභාගය පවත්වා මාස 08ක් ගතවී ඇතත් මේ වනතෙක් විභාග රාජකාරි කළ…
මඩකලපුව මහේස්ත්රාත් අධිකරණයට බෝම්බ ප්රහාරයක් එල්ල කරන බවට ලැබී ඇති ලිපියක් පිළිබඳව විමර්ශන කටයුතු ආරම්භ…
රක්ෂිත බන්ධනාගාරගතව සිටින හිටපු අමාත්ය ජොන්ස්ටන් ප්රනාන්දු බැලීමට හිටපු ජනාධිපති මහින්ද රාජපක්ෂ අද (25) වැලිකඩ…
කොළඹ ආරක්ෂක සේවා විද්යාලයීය නිවාසාන්තර පිහිනුම් තරගාවලිය ඔක්තෝබර් 10වැනිදා විද්යාලයීය පිහිනුම් තටාක පරිශ්රයේ දී අතිඋත්කර්ෂවත්…
ඉදිරි මහ මැතිවරණයට ගම්පහ දිස්ත්රික්කය සඳහා එක්සත් ප්රජාතන්ත්රවාදී හඬ සංවිධානයෙන් නාමයෝජනා භාරදී සිටින හිටපු පාර්ලිමේන්තු…
මෙරට සිටින ඊශ්රායල ජාතිකයින් ඉලක්ක කොට ප්රහාරයක් එල්ල කිරීමට සැලසුම් කිරීමේ සිද්ධියට අදාළව අත්අඩංගුවට ගත්…